Экологиягә, төзекләндерүгә һәм җәмәгать киңлекләрен үстерүгә битараф булмаган шәһәр халкын берләштерүче «Парк геройлары» волонтерлык проектының өченче сезоны старт ала.

Җәйге сезон дәвамында проектта катнашучылар парклар һәм табигый территорияләрнең торышын яхшыртуга үз өлешләрен кертә алачак, шулай ук дендрология, экология һәм уңайлы шәһәр мохите булдыру өлкәсендә яңа белемнәр һәм гамәли күнекмәләр алачак.

Проектның беренче очрашуы Комсомол күле пляжында узачак. Биолог-эксперт белән бергә волонтерлар яр буе территориясен үсемлек һәм көнкүреш калдыкларыннан чистартачак, шулай ук сулык һәм аның экосистемасы торышын өйрәнү өчен суга тест-анализлар үткәрәчәк.

Бу — вакытны файдалы үткәрү, фикердәшләр белән танышу һәм шәһәрне чистарак, уңайлырак һәм матуррак итүче зур экологик җәмгыятьнең бер өлеше булу өчен менә дигән мөмкинлек.

«Парк геройлары»на кушылыгыз һәм җәйне актив, аңлы һәм табигать турында кайгыртып үткәрегез.