Россия һәм Россия Федерациясе халыкларының бердәмлеге елын, Татарстан Республикасында Хәрби һәм хезмәт батырлыгы елын, шулай ук Түбән Кама шәһәренең 60 еллыгын бәйрәм итү кысаларында ачык  халык конкурс-фестивале узачак.

Конкурс бер сәхнәдә төрле яшьтәге һәм иҗади юнәлештәге талантлы башкаручыларны берләштерәчәк. Фестивальдә тамашачыларга якты музыкаль номерлар һәм онытылмас хис-кичерешләр бүләк итәргә әзер үзешчәннәр дә, профессиональ вокалистлар да катнашачак.

Конкурсның төп максатлары һәм бурычлары булып:

• үзешчән һәм профессиональ вокалистларның иҗади сәләтләрен үстерү;
• иң сәләтле һәм профессиональ перспективалы башкаручыларны ачыклау;
• әйләнә-тирә дөньяны эстетик кабул итүне тәрбияләү һәм формалаштыру.

Фестиваль чын мәгънәсендә музыка, иҗат һәм бердәмлек бәйрәменә әвереләчәк, катнашучыларга үз талантларын ачу, тәҗрибә уртаклашу һәм киң аудиториягә осталыкларын күрсәтү мөмкинлеге бирәчәк.

Шәһәр халкын һәм кунакларны конкурсантларга ярдәм итәргә һәм Кама ярында музыкаль бәйрәм рухыннан ләззәт алырга чакырабыз!