Сезне яраткан шәһәребезнең Г.Тукай яр буенда узачак «Отчий дом» исемле бәйрәм кичәсе белән бергә җылы һәм уңайлы атмосферага чумарга чакырабыз.

Быел без берьюлы ике истәлекле датаны – Яр Чаллыга нигез салынуның 400 еллыгын һәм КамАЗга нигез салынуның 50 еллыгын бәйрәм итәбез. Әлеге юбилейлар уңаеннан махсус программа әзерләнгән, ул Сезнең кичәгезне якты хис-кичерешләр һәм онытылмас тәэсирләр белән тутырачак.

Сез «Листая страницы времени»концертын ишетерсез. Хезмәт ветераннары, танылган мәдәният эшлеклеләре һәм юбилярлар туган як тормышы турында үз тарихларын сөйләячәкләр.

Уникаль фотосессияләр сезнең тормышыгызның бу үзенчәлекле мизгелен төшерергә мөмкинлек бирәчәк.

Җирле башкаручыларның җырлары һәм Татарстанның танылган авторларының шигырьләре кәефне күтәрәчәк.

Һәм әлбәттә, күңелле биюләр Бәйрәмнең үзенчәлекле рухын тудырачак.

Кичәне Татарстан Республикасының атказанган артисты, Яр Чаллы шәһәренең Мактаулы гражданины, «Алтын йөрәк кешесе» премиясе лауреаты Гөлзада Рзаева үткәрә.

Барлык Яр Чаллы халкын һәм кунакларын әлеге тантанага кушылырга һәм аны тагын да яктырак һәм җылырак итәргә чакырабыз!