«Ушков утраулары» паркы территориясендә Гаилә, мәхәббәт һәм тугрылык көненә багышланган мастер-класс узачак. Чараның максаты – гаиләгә, җәмгыятьнең төп кыйммәтенә карата җаваплы мөнәсәбәт тәрбияләү.

Белгечләр изге Петр һәм Феврония Муромскийлар – Гаилә, мәхәббәт һәм тугрылык яклаучылары турында сөйләячәкләр, балалар белән ни өчен нәкъ менә ромашканың бәйрәм символы булуы турында фикер алышачаклар.

Очрашу азагында ромашкадан веноклар ясау буенча мастер-класс үткәреләчәк.