Серов бульварының икенче чираты ачыла
Республика көнендә Серов бульварының яңа чираты ачылачак.
Бульварның яңа өлешендә спорт мәйданчыгыннан сулыкка кадәр экопавильон урнаштырылачак. Анда сәламәтлек үзенчәлекләре булган балалар өчен махсус велосипедлар прокаты, лекторийлар, киң велоюл, рус ишарәләр теле буенча ачык дәресләр зонасы, ачык урам китапханәсе, җәмәгать бакчасы, су мәйданчыгы һәм эшкәртелгән пластиктан «Урман фатиры» зонасы урнаштырылачак.
Ачылу кысаларында сезне «Казаньоргсинтез» ярдәмендә оештырылган «Твои зеленые привычки» балалар экофестивале, «НеЗаМи» төркеме чыгышы, бочча уйнау буенча ачык күнегүләр, рус ишарәләр теле дәресләре, үсемлекләр утырту һәм остаханәләр көтә.
Программа:
11: 00 — бочча буенча ачык күнегү
11: 00 – «Верни в грунт» җәмгыятеннән җәмәгать бакчасы зонасында дәресләр
11: 30 – МЕГА тарафыннан картоннан йортлар ясау буенча остаханәләр
11: 40 — “НеЗаМи” төркеме чыгышы
11: 40, 12: 40 — “Пластикның икенче тормышы” ЭКОдәресләре
11:40, 12:40, 13:40 — рус ишарәләр теле буенча дәресләр
14: 00 – агач утырту буенча остаханә
Чара 10:40тан 15:00гә кадәр дәвам итәчәк! Бульварда очрашканчы!
2023 елда Серов урамындагы бульвар төзекләндерү өчен территорияләр сайлау буенча тавыш бирүдә җиңүче булды. Узган ел «Ярдәм» мәчетеннән алып, автобус тукталышына кадәр сузылган территория ачылды. Төзекләндерүне киләсе елда да дәвам итү планлаштырыла.