Сабантуй - ул гади бәйрәм генә түгел, халкыбызның бай мәдәниятен һәм традицияләрен чагылдыра торган спорт чараларының тулы бер комплексы. Сабантуйның спорт программасы энергия, азарт һәм көндәшлек рухы белән сугарылган. Көн дәвамында спорт мәйданчыгында армрестлинг, мас-рестлинг, гер спорты, авыр атлетика, штанга, шашка һәм шахмат, волейбол, ВФСК нормативларын кабул итү буенча ярышлар узачак. Милли көрәшнең иң мавыктыргыч ярышында спортчылар үзләренең көчләрен, җитезлекләрен һәм осталыкларын күрсәтәчәкләр.