Концертны Камал театры оркестры һәм Татарстан Композиторлар берлеге әзерләде. Программа ике өлештән тора, аларның һәркайсы бөтенләй төрле музыкаль материал тәкъдим итәчәк.

Кичәнең беренче өлешендә татар музыкасы классигы Нәҗип Җиһанов, Александр Ключарев, Сара Садыйкова, Рөстәм Яхин, Резеда Әхиярова, Светлана Зорюкова, Рәшит Хәкимов һәм Зөлфия Раупова композицияләре яңгыраячак. Оркестрның баш дирижеры һәм сәнгать җитәкчесе Данияр Соколов, Татарстанның атказанган сәнгать эшлеклесе Ильяс Камал һәм халыкара конкурслар лауреаты Иван Веретельный дирижерлык итәчәк. Концертта шулай ук Камал театры артистлары һәм чакырылган кунаклар катнашачак.

Икенче өлештә оркестр программаны академик һәм электрон музыка тоташуында тәкъдим итәчәк. Тамашачылар алдында диджей-сет белән Walkman DJ һәм электрон лайв-сет белән Holofonote чыгыш ясаячак.

Концерт Кабан күле буендагы сәхнәдә, Һади Такташ урамы, 74 адресы буенча узачак.