Чараларда барлыгы 600дән артык кеше катнашты, тагын 1400 тамашачы тур шәһәрләрендәге вакыйгаларны карады. Шул рәвешле, УРАМ турның гомуми аудиториясе быел 2000нән артык кеше тәшкил итте.

Программага урам һәм экстремаль спорт төрләре буенча дәресләр, райдерлар һәм «УРАМ» командасы тренерлары белән тренировкалар, техниканы тикшерү һәм ярышларга әзерлек кертелгән. Катнашучылар яңа дисциплиналарны сынап карарга, спортчылардан кире элемтә алырга һәм локаль урам берләшмәләре вәкилләре белән танышырга мөмкин иде.

УРАМ турда Буа, Иннополис, Яшел Үзән, Арча, Байлар Сабасы, Алексеевск, Чистай, Яңа Чишмә, Зәй, Яр Чаллы, Түбән Кама, Азнакай, Лениногорск, Бөгелмә һәм Лаеш шәһәрләре катнашты.

«Безгә урам спортының республика башкаласында гына үсмәвен күрсәтү мөһим иде. Һәр шәһәрдә без спорт белән шөгыльләнүче яки үзләрен яңа юнәлештә сынап карарга теләүче егетләр белән очраштык. Өстәвенә, без барган барлык шәһәрләрдә экстрим-спортны үстерү өчен инфраструктура бар. Мондый тәҗрибә уртаклашу бергәлекләр формалаштырырга ярдәм итә һәм катнашучыларга спортта үсешнең алга таба нокталарын күрергә мөмкинлек бирә», – дип билгеләп узды «УРАМ» экстрим-паркы директоры Мария Крюкова.

Проектның төп максаты – локаль урам бергәлекләрен үстерүгә ярдәм итү һәм төрле шәһәрләрдән килгән спортчылар арасында тәҗрибә уртаклашу өчен урын булдыру. УРАМ Тур катнашучыларга фикердәшләр табарга, спорт күнекмәләрен үстерергә һәм Татарстанның зур урам мәдәнияте җәмәгатьчелегенең бер өлеше булырга ярдәм итә.

«УРАМ Тур – ул беренче чиратта тере хезмәттәшлек турында. Безнең команда спортчылары элементларны күрсәтеп кенә калмадылар, ә катнашучылар белән бергә техниканы сүттеләр, сорауларга җавап бирделәр һәм аларга үсәргә ярдәм иттеләр. Мондый очрашулардан соң егетләрнең күнегүләрен дәвам итүләрен һәм үзләренең локаль мәйданчыклары тирәсендә берләшүләрен күрү аеруча кыйммәтле», – дип ассызыклады Әмир Нуриев,«УРАМ» экстрим-паркы коммунити-менджеры.

Исегезгә төшерәбез, УРАМ Тур бу җәйнең иң көтелгән вакыйгаларының берсенә – 29 һәм 30 августта узган «УРАМ» урам мәдәниятләре фестиваленә кадәр үткәрелде. Фестивальгә ике көндә дә 40 000нән артык кеше килде, спорт программасында Россиянең 20дән артык төбәгеннән – Мәскәү, Санкт-Петербург, Самара, Сары Тау, Белгород, Омск һәм Түбән Новгород шәһәрләреннән 600дән артык кеше катнашты. Белем бирү лекориена килүчеләр саны 1 000нән артып китте.

Быел фестиваль беренче тапкыр ике көнлек форматта җәелдерелде. Беренче көн танышуга, тәҗрибә уртаклашуга һәм төп ярышларга әзерләнүгә багышланды: мәйданчыкларда квалификацияләр, ачык остазханәләр, лекцияләр һәм дискуссияләр узды. 30 августта спорт программасының финалы, бию баттллары һәм зур музыкаль программа булды.

Тур Яшьләр эшләре министрлыгы һәм «Татнефть» Хәйрия фонды ярдәме белән «Татарстанда җәй» проекты һәм «Яшьләр һәм балалар» илкүләм проекты уңаеннан, «УРАМ» экстремаль паркы командасы тарафыннан оештырылды.