Августның соңгы ял көннәрендә Түбән Кабан күле яр буендагы өченче чират «Татарстанда җәй» фестивале мәйданчыгы булачак. Ике көнлек программа яр буендагы яңа участокны ачу тантанасы белән бер үк вакытта узачак һәм театрны, музыканы, заманча сәнгатьне, татар мәдәниятен һәм шәһәр проектларын берләштерәчәк.

Кабан буендагы төрле мәйданчыкларда суда спектакльләр, күргәзмәләр, выставцияләр, экскурсияләр, остазханәләр, спорт һәм су активлыгы узачак. Фестивальгә Печән базары кушылачак, ә «Инде» командасы Яңа «Инде. Татар» медиасын тәкъдим итәчәк һәм аерым мәдәни программа күрсәтәчәк.

Иң гадәти булмаган вакыйгаларның берсе «Кабан. Узып барышлый / Кабан. Мимоходом»спектакле булачак.  Һәм «Сәхтиан» — шигъри клоунада теле белән татар күн һөнәре турында куелыш. Яр буенда шулай ук Казан һәм республика районнары рәссамнары эшләре белән мобиль «Микро-музей | м2» барлыкка киләчәк.

Фестивальнең аерым өлешен музыкаль программа алып торачак. Ике көн дәвамында сәхнәдә Татарстан һәм Россия музыка сәхнәләре артистлары чыгыш ясаячак, ә бәйрәмне 30 августта Тося Чайкина һәм К.Тинчурин исемендәге театр оркестры тәмамлаячак.

Фестиваль көннәрендә кунакларга шулай ук яр буеның өченче чиратының яңа киңлекләрен, шул исәптән йөгерү үзәге һәм шәһәр туризмы үзәген тәкъдим итәчәкләр.

Фестиваль 29 һәм 30 августта Түбән Кабан күле буенда узачак.

Тулы программа, мәйданчыклар расписаниесе һәм фестиваль картасы – kaban.leto.tatar