9 июньнән 14 июньгә кадәр «ВКонтакте» социаль челтәрендә республика халкы «Күрше» фестиваленең иң яхшы локаль инициативаларын сайлады. Тавыш бирү нәтиҗәләре буенча өч уникаль проект ярдәм алды — берсе үзмәшгульләрдән, берсе юридик затлардан һәм берсе бюджет оешмаларыннан.

Җиңүче проектлар:

1. «Безнең җәй ишегалдында» (Казан)

Авторы: Наталья Матвеева

Яңа Савин районында өч ишегалды турниры циклы. Проект төрле яшьтәге күршеләрне берләштерергә, уртак ял итү мәдәниятен торгызырга һәм ишегалдының иҗтимагый тормышын активрак итәргә тиеш.

2. «Спортлы Түбән Кама» Фестивале (Түбән Кама)

Автор: ТР велосипедчылар берлеге

Спортны һәм шәһәр халкы өчен якты мәдәни-күңел ачу программасын берләштерәчәк өч массакүләм һәвәскәр йөгерү һәм велосипедта йөрү.

3. «Кече Мәйдан: балалар һәм яшьләр өчен этномәдәни һәм уен программалары циклы» (Бөгелмә)

Автор: «Техника йорты» муниципаль автоном мәдәният учреждениесе

Балалар һәм яшьләр өчен өч вакыйгадан торган интерактив этнопроект: Кече Сабантуй, Идел буе халыкларының традицион уеннары һәм заманча «уен-баттл». Әлеге формат катнашучыларга төрле халыкларның гореф-гадәтләренә чумарга һәм күршелек кыйммәтләрен ныгытырга мөмкинлек бирәчәк.

 

Җиңүчеләрне котлыйбыз һәм проектларның уңышлы гамәлгә ашырылуын телибез!